Коронавируһунан ыалдьыы ахсаана үрдээһининэн сибээстээн, Дьокуускайтан тыа сиригэр сайыҥҥы сынньалаҥҥа барар оҕолор ураты хонтуруолга ылыллыахтара.
«Бүтэһик нэдиэлэҕэ биир тыһыынчаттан тахса оҕо улуустарга сайыҥҥы сынньалаҥҥа тахсыбыта бэлиэтэннэ. Бу кэм устата, бу көрдөрүү 8,5 тыһыынчаҕа тэҥнэстэ», – диэн Ил Дархан Айсен Николаев брифинг кэмигэр эттэ.
Ыарыы тарҕаныытын сэрэтэр үлэлэр түмүктэринэн, 56 оҕоҕо Covid-19 вирус инфекцията баара билиннэ. Бары эмтэниини аастылар эбэтэр ааһа сылдьаллар.
«Коронавирус инфекцията тарҕаныытын сэрэтэр сыалтан, төрөппүттэр уонна аймахтар Дьокуускай куораттан кэлэр оҕолор хонтуруолларын күүһүрдэллэрэ ирдэнэр», – диэн Ил Дархан тоһоҕолоото.
