Тыыл бэтэрээннэригэр эбии харчы көрүллүөҕэ

Ил Түмэн мунньаҕар тыыл бэтэрээннэригэр эбии өйөбүл көрүллүүтүн өйөөтүлэр. Ол курдук, Саха сиригэр тыыл уонна үлэ бэтэрээннэрин социальнай өйөөһүн туһунан сокуоҥҥа уларытыыны ылыннылар. Тыыл бэтэрээннэрэ судаарыстыбаннай гарантия чэрчитинэн медицина өҥөтүнэн туһаныахтара, ол иһигэр сыл аайы диспансеризацияны ааһыахтара. Ону таһынан, социальнай тэрилтэлэргэ стационарнай, стационарнайа суох быһыылаах өҥөнөн туһаныахтара.