Уһук Илиҥҥэ дьон олороругар табыгастаах усулуобуйаны тэрийиигэ сүрүн болҕомтону ууруохтара. Бу туһунан Россия бэрэсидьиэнин Уһук Илин Федеральнай Уокурукка боломуочуйалаах бэрэстэбиитэлэ Юрий Трутнев пресс-сулууспата иһитиннэрэр.
Бу туһунан Илиҥҥи экономическай форум хаамыытыгар иһитиннэрдэ.
«Уһук Илиҥҥэ дьон олоҕор табыгастаах усулуобуйаны тэрийии — дьоһун хайысха. Бу үлэ миэстэтэ эрэ буолбакка, сынньанар сир, табыгастаах дьиэ, оҕолору үөрэтэр усулуобуйа, квалификациялаах медицинскэй көмөнү ылар усулуобуйа буолар. Маныаха улахан болҕомтобутун ууруохпут, Уһук Илиҥҥэ олорор дойду Киин регионнардааҕар табыгастаах буоларыгар кыһаллыахпыт», — диэтэ кини.
Боломуочуйалаах бэрэстэбиитэл этэринэн, социальнай эйгэҕэ ураты болҕомто экономиканы сайыннарыыга ууруллуоҕа.
«2013 с. Россия бэрэсидьиэнэ Владимир Владимирович Путин Дальнай Восток сайдыытын XXI үйэҕэ национальнай приоритет быһыытынан бэлиэтээбитэ. Билигин нэһилиэнньэ дууһатыгар ВРП 16%- нан дойдуга орто таһымы куоһарар. Нэһилиэнньэ дууһатыгар сүрүн капиталга инвестиция ортотунан 39%-нан үрдүүр», — диэтэ Юрий Трутнев.
