Россия бырабыыталыстыбата «Уһук Илин гектара» бырагыраама кыттыылаахтарыгар сири болдьоҕу иннинэ бас билиигэ биэриэххэ сөп диэн быһаарда. Маныаха бу учаастакка ипотека дуогабарын баттаспыт буолуохтаах. Бу туһунан Илини сайыннарыы министиэрисибэтин пресс-сулууспата иһитиннэрэр. Билиҥҥи туругунан дьон льготалаах ипотеканы ылара сатаммат эбит, тоҕо диэтэххэ, кредити залогунан хааччыйыахха наада. «Икки Уһук Илин бырагырааматын ситимниир соруктаахпыт. Гектар ылбыт дьон сирдэрин бас билиигэ биэс сылынан ылаллар. Бааннар оннук учаастагы залогка ылбаттар», – диэн биэдэмэстибэ салайааччыта Александр Козлов этэр.
Кредиккэ дьиэ ылар дьоҥҥо оннук учаастагы бас билиигэ эрдэ бэриллиэхтээх.
