РФ бырабыыталыстыбатын вице-премьерэ — РФ бэрэсидьиэнигэр Уһук Илин федеральнай уокурук боломуочуйалаах бэрэстэбиитэлэ Юрий Трутнев кыттыылаах Сэбиэт сүбэ мунньаҕар оттук сезоҥҥа бэлэмнэнии тутаах боппуруос буолла көрдүлэр.
Саха сиригэр кыһыҥҥы-күһүҥҥү кэмҥэ 1165 хочуолунайы, 4 163 км сылаас ситимэ,1 763 км уу ситимэ, 748 км канализационнай ситим, 853 км уот ситимэ, 116 дизель электроыстаансыйата, 2008 социальнай суолталаах эбийиэктэр, 39 тыһ тахса олорор дьиэ. Уматыгы тиэйэн-таһан түмүктээтилэр. Оттук сезона Саха сирин бары нэһилиэнньэлээх пуннарыгар саҕаланна, билиҥҥи кэмҥэ сезоҥҥа бэлэмин туһунан пааспар биэрии салҕанар.
«Мунньах кэмигэр кэккэ боппуруостары дьүүллэстибит, ол иһигэр электроэнергетикэ уонна ОДьКХ эбийиэктэрэ, социальнай суолталаах эбийиэктэр кыстыгы туоруурга төһө бэлэмнээхтэрин көрдүбүт. Бу барыта Уһук Илин сайдыытын хааччыйарга уонна дьон-сэргэ олоҕун-дьаһаҕын тупсарарга туһуланар. Кинилэр быһаарыылара инникигэ сирдиир, регионнарбыт кэскилин бөҕөргөтөр», – диэн Ил Дархан Айсен Николаев эттэ.
РФ вице-премьерэ Юрий Трутнев бэлиэтээбитинэн, Уһук Илиҥҥэ кыстыкка бэлэмнэнии климаттан сылтаан ураты болҕомтону эрэйэр.
«Уопсайынан ылан көрдөххө уокурук оттук сезонугар бэлэм. Уһук Илиҥҥэ кытаанах уматык саппааһа 155%-ҥа тэҥнэһэр, оттон убаҕас – 119%. Кыстыгы ааһарга биһиги аан маҥнай дьоҥҥо-сэргэҕэ куттал суох буолуутун хааччыйарбытын өйдүөххэ наада», – диэн кини кэпсээтэ.
