Балаҕан ыйын 22-24 күннэригэр Хабаровскайга бүтүн Россиятааҕы «Уһук Илини арый» туристическай форум чэрчитинэн «Литература уонна искусство сир-уот сирдьитэ» секциятынан иһитиннэрии буолар. В.К. Арсеньева аатынан Россиятааҕы «Уһук илин» литературнай бириэмийэ кураатара, «Эдэр саас» сурунаал дириэктэрэ Вячеслав Коновалов секцияны ыытар.
Бүтүн Россиятааҕы «Уһук Илини арый» туристическай форум чэрчитинэн В.К. Арсеньева аатынан Россиятааҕы «Уһук илин» литературнай бириэмийэ төрдүс сезонун бастакы түһүмэҕин төгүрүк остуолга түмүктүө, — диэтэ Вячеслав Коновалов.
Россия суруйааччыта, драматург, сценарист, художественнай кириитик, суруналыыс уонна ыыттааччы Олег Шишкин; нуучча фантаст-суруйааччыта Сергей Лукьяненко; Хабаровскайга Россия суруйааччыларын сойууһун салайааччыта Игорь Мосин; Россия суруйааччыларын сойууһун салайааччыта кыттаачыта, «Уһук илин» литературнай журнал редактора Александра Николашина.
Быһа эфири https://forumkhabarovsk.ru/ уонна ИА PrimaMedia https://primamedia.ru/online/ сайтарга көстүөҕэ.
Секция тиэмэтэ «Уһук илин — географията уонна историята ураты» диэн. Приамурье, Сахалин, Камчатка, Приморье баай айылҕата кэрэтин, киһини сөхтөрөрүн туһунан сэһэргэһиэхтэрэ.
«Уһук Илин суруйааччыларын айымньыларыгар — Хабаровскайга Россия суруйааччыларын сойууһун чилиэннэригэр» (Игорь Мосин) уонна «Уһук Илиҥҥэ аныгы литератураны сайыннарыыга» (Александра Николашина) секциялара буолуоҕа.
Секция түмүгэр В.К. Арсеньева аатынан Россиятааҕы «Уһук Илин» литературнай бириэмийэ испииһэгин иһитиннэриэхтэрэ.
Бу кэмҥэ литература тиийбэтэ. Хас биирдиибитигэр ыарахан кэмэ, суруйааччыларга да, кинигэ таһаарааччыларга. Ол эрээри айымньылар бэчээттэнэн истэхтэринэ үчүгэйэ биллэн испитэ. Дьүүллүр сүбэ күҥҥэ 70 үлэни көрөн сыаналаан дьоһуннаах кыра дьүүллүүр сүбэҕэ биэрэрэ. Кырдьыгынан эттэххэ, хаста да ааҕан сөбүлүүргүн буларыҥ. Бириэмийэ куратара ( сирдьитэ) буоларбынан атыттарга саба баттыыр үлэни оҥорботум. Хас биирдии чилиэн үчүгэйтэн үчүгэй үлэни талара. Кинилэргэ мин итэҕэлим улахана — диэн корреспондент Вячеслав Коновалов кэпсээтэ.
ыйынньык:
Россиятааҕы «Уһук Илин» литературнай бириэмийэ Россия федерациятын Бырабыыталыстыбатын Бэрэссэдээтэлин солбуйааччы-Уһук Илиҥҥи федеральнай уокурукка Бэрэсидьиэн боломуочуйалаах бэрэстэбиитэлэ Юрий Трутнев көҕүлээһининэн тэрилиннэ. 2019 сыллаахха ахсынньыга Россия култууратын пуондатын дьиэтигэр «Москваҕа Уһук Илин күннэрэ» диэн тэрээһиҥҥэ бириэмийэ бастакы лауреаттара ааттаммытара.
Бириэмийэ сүрүн сыала — Россия уонна кыраныысса таһынааҕы суруйааччылар Уһук Илиҥҥэ анаабыт айымньыларын өйөөһүн. Бириэмийэни ыларга Россия Федерациятын 24 субъегыттан 300 сайаапка суруйааччылартан киирдэ. Маны тэҥэ кыраныысса таһынааҕы суруйааччылартан.
«Уһун проза», «Кылгас проза», «Оҕолорго проза» номинацияларга сыл ахсын Бириэмийэ дьүүллүүр сүбэтэ бастыҥ айымньылары талар. Кыайыылаахтар хаччынан уонна сыаналаах бириистэринэн наҕараадаланаллар.
Бириэмийэ сайта — премияарсеньева.рф (12+), Вконтакте бөлөх https://vk.com/premiyaarsenyeva (12+).
СӨ баһылыгын уонна бырабыыталыстыбатын дьаһалтатын пресс-сулууспата.
