Халаан уутун содулуттан олохтоммут балаһыанньа хонтуруола уонна нэһилиэнньэ олоҕор куттал суох буолуутун хааччыйыы өрөспүүбүлүкэ муниципальнай тэриллиилэрин уонна улуустарын баһылыктарыгар бэриллэр. Бу туһунан СӨ баһылыгын уонна бырабыыталыстыбатын дьаһалтатын пресс-сулусупата иһитиннэрэр.
«Амма өрүс мууһун устуутун кэтээн көрүүнү оҥоро бүгүн «Дьокуускай — Чымнаайы» хайысханан Россия ыксаллаа быһыыга-майгыга министиэристибэтин Ми-8 бөртөлүөтэ көттө», — диэн этиллэр.
Исписэлиистэр бэлиэтииллэринэн, ыам ыйын 12 күнүгэр Өлүөнэ өрүс мууһун алын кирбиитэ олохтоммут нуорманы аҕыс-тоҕус хонук эрдэлээн Хаҥалас улууһун кыраныыссатыгар тиийдэ.
Бүлүү, Үөһээ Бүлүү, Кэбээйи, Мэҥэ Хаҥалас, Нам, Таатта, Томпо, Уус Майа уонна Хаҥалас улуустара билиҥҥи туругунан сааскы халаан уута кэлиитигэр бэлэмнэрин биллэрбиттэрэ бэлиэтэнэн.
