Киин куорат уопсастыбаннай палаататын бэрэссэдээтэлэ Андрей Высоких Украина уонна Россия икки ардыгар үөскээбит балаһыанньанан дойду бэрэсидьиэнэ Владимир Путин быһаарыытын өйүүрүн туһунан эттэ.
«Маннык быһаарыыны эрдэ ылыахха сөп этэ. Бу эйэлээх олоххо күһэйии буолар. Биллэн туран, быһаарыы кытаанах эрээри, сөптөөх. Бу дьайыы түмүктээх буолуохтаах. Донецкай уонна Луганскай норуодунай өрөспүүбүлүкэ салгыы хайдах буолара торумнаныахтаах. Быыбары тэрийии, эбэтэр атын быһаарыыны ылыы. Биһиги дойдубут интэриэһин көмүскэнэрин арҕааҥы дойдулар өйдөөбөттөр. Урут Донецкайга уонна Луганскайга буолбут балаһыанньаны умнубуттар, эбэтэр өйдүөхтэрин баҕарбаттар, ол оннугар Россия Киевкэ уонна Харьковка дьайыытын сэмэлииллэр. Ол эрэн кырдьык биһиги туспутугар», — диэн кини бэлиэтээтэ.
Анал байыаннай операция Донбаска олунньу 24 күнүттэн ыытыллар.
