Дьокуускай олохтоохторо «Поправляйся» диэн уопсастыбаннай хамсааһыны саҕалаатылар. Ол курдук Владимир Булкин үөлээннэхтэрин кытта «Хозмаркет» маҕаһыын аатыттан «Резерв» медицина киинигэр тыһыынча вирустан көмүскэнэр көстүүмнэри туттардылар. Уопсастыбанньыктары «Хозмаркет» генеральнай дириэктэрэ Максим Феоктистов өйөөтө.
«Коронавируһу кыайарга хас биирдиибит кылаатын киллэрэр кыахтаах. Бэйэлэрин доруобуйаларын толук ууран туран биһиэхэ көмөлөһөр дьоҥҥо быраастарга көмөлөстүбүт», — диэтэ Булкин.
Билигин штабка хас даҕаны киһи үлэлиир. Волонтердар коронавируһу утары охсуһар тэрилтэлэргэ эрийэн туох наадатын ыйыталаһаллар, көмөлөһүөн баҕалаахтары көрдүүллэр.
