Усуйаана улууһугар социальнай суолталаах бородуукталар сыаналарын кэтиир тэрилтэ үлэлиир. Бу туһунан улуус дьаһалтатын пресс-сулууспата иһитиннэрэр.
«Биһиги улууска социальнай суолталаах бородуукталар сыаналарын кэтиибит. Бирикээскэ 26 бородуукта киирбит — килиэп, үрдүк суортаах бурдук, мас арыыта, саахар, рис, гречка, макарон, куурусса сымыыта, хара чэй, туус, симэһинигэр буспут эт, моркуоп, оҕурсу, минньигэс биэрэс, помидор, банаан, дьаабылака. Маҕаһыыннарга нэдиэлэҕэ иккитэ мониторинг ыытабыт. Ол кэнниттэн ылбыт көрдөрүүлэрбитин СӨ сыана бэлиитикэтин судаарыстыбаннай кэмитиэтигэр ыытабыт», — диэн ГКУ РС(Я) «Тарифное агентство» экспертэ Мария Басова эттэ.
Билигин өрөспүүбүлүкэ олохтоохторо «122» нүөмэргэ эрийэн, социальнай суолталаах ас-үөл сыаналара үрдээбитин туһунан иһитиннэриэхтэрин сөп. Ону тэҥэ СӨ сыана бэлиитикэтин судаарыстыбаннай кэмитиэтин «суһал линията» +7(984)118-01-05, 8(4112)508-026 үлэлиир.
