Уус Алдан улууһун экономика управлениетын салайааччыта Евгений Дедюкин улуус аһынан-үөлүнэн хааччыллыытын туһунан кэпсээтэ.
«Санкция усулуобуйатыгар улууска ас-уол атыыта этэҥҥэ. Төһө да хааччыллыы баарын үрдүнэн, хас биирдии ыал күннээҕи нуормаҕа тиксэр. Инники да өттүгэр урбаанньыттар бородуукта баар буоларыгар, төһө кыах баарынан бэлэмник олороллор. Барыта этэҥҥэ буолуоҕа диэн эрэнэбит», — диэтэ Евгений Дедюкин.
Кулун тутар 5 күнүгэр улуус баһылыга Алексей Федотов таһаарбыт дьаһалынан, потребительскай ырыынак тэрилтэлэрин туруктаах үлэнэн хааччыйыыга суһал штаб тэрилиннэ.
«Хас биирдии улууспут урбаанньыта нэдиэлэҕэ иккитэ аһын-үөлүн ахсааныгар, ыйааһыныгар тиийэ анал мониторинг оҥорор. Онон күннэтэ маҕаһыыннарга ас-үөл сыаната, ахсаана хонтуруолланар. «Якутоптторг» көмөтүнэн ыраах сытар уонна тиийэргэ уустук нэһилиэнньэлээх пууннарга бородуукта тиэрдилиннэ. Уус Алдан улууһугар нэһилиэнньэни хааччыйыыга аска-үөлгэ сөптөөх саппаас баар», — диэн Дедюкин кэпсээтэ.
