Муус устар 5 күнүгэр Уус Алдан улууһугар илин эҥэр улуустар эдэр учууталларын күрэхтэһиитин түмүктүүр күнэ ыытылынна.
Түмүктүүр күҥҥэ учууталлар «Маастар кылаас» уонна «Педагогическай сэбиэт» диэн түһүмэхтэргэ күрэстэстилэр. Учууталлар бэйэлэрин үлэлэрин сырдаттылар, үөрэх хаачыстыбатын тупсарарга бэйэлэрин санааларын үллэһиннилэр.
Илин эҥэр бастыҥ эдэр учууталынан Чурапчы улууһун Д.Г. Барашков аатынан Бахсы орто оскуолатын историяҕа уонна обществознаниеҕа учуутала Туяра Попова буолла.
«Үөрэнээччилэр биһирэбиллэрэ» анал аат кыайыылааҕынан Алексей Попов (Чурапчы улууһун Г.Д. Протодьяконов аатынан Алаҕар орто оскуолатын биологияҕа уонна химияҕа учуутала) буолла.
«Естественнэй-политехническай цикл бастыҥ учуутала» – Анжелика Попова (Мэҥэ Хаҥалас улууһун И.Г. Тимофеев аатынан Майатааҕы лицей математикаҕа учуутала);
«Общественнай цикл бастыҥ учуутала» – Туяра Попова (Чурапчы улууһун Д.Г. Барашков аатынан Бахсы орто оскуолатын историяҕа уонна обществознаниеҕа учуутала);
«Гуманитарнай цикл бастыҥ учуутала» – Людмила Лыткина (Уус Алдан улууһун Г.В.Егоров аатынан Мүрү 1 №-дээх орто оскуолатын нуучча тылын уонна литературатын учуутала);
«Алын сүһүөх кылаас бастыҥ учуутала» – Саргылана Пешкова (Амма улууһун Амма орто оскуолатын алын сүһүөх учуутала).
