Уус Алдан Баатаҕайыгар саҥа сквер арылынна

Уус Алдан улууһун Баатаҕай нэһилиэгэр саҥа скверы арыйдылар. Бу тутууну Чараҥай сайылык Карл-Маркс аатын сүгэр колхозтан Аҕа дойду Улуу сэриитигэр баран кыргыспыт буойуттарга уонна колхоз туруу үлэһиттэригэр анаатылар, ону тэҥэ сэргэ астылар. Тутуулары нэһилиэк актыбыыһа Анна Бурнашева көҕүлээн, кыайыы 75 сылыгар сөп түбэһиннэрэн оҥордулар. Бэлиэтээн эттэххэ, Чараҥайтан үгүс үөрэхтээх дьон тахсыбыта. Олор истэригэр спорду көҕүлээччи Николай Тарскай эмиэ бу сиртэн куорсун анньыммыта. Олохтоохтор биир дойдулаахтарын ааттарын үйэтитэн, скверы тутууга үлэлэспит дьоҥҥо махталларын тиэрдэллэр.