Уус Алдан улууһугар «Бороҕон – Танда» регионнааҕы айан суолун өрөмүөнэ салҕанар

Бу үлэлэр «Олох инфраструктурата» национальнай бырайыак чэрчитинэн ыытыллаллар уонна ыраах сытар нэһилиэнньэлээх пууну сылы эргиччи сырыынан хааччыйыыга туһуланар.

Саха сирин суолларын управлениетын дааннайынан, бүгүҥҥү күҥҥэ бэдэрээтчит тэрилтэ суол өрөмүөнүн иккис түһүмэҕин толоро сылдьар.

Ол курдук, 14-с км-тан 24-с км диэри 10 килэмиэтирдээх учаастакка үлэ бара турар. Мантан 19-с км-тан 24-с км диэри кэрчиккэ суол бүрүөһүнэ номнуо бүтүннүү бэлэм. Быйылгы сезоҥҥа ордубут 5 км оҥоһуллар. Бу учаастакка үлэни быйыл түмүктүүр былааннаахтар