СӨ гражданскай көмүскэлгэ миниистирэ Дмитрий Лепчиков салайан ыыппыт ыксаллаах быһыыны-майгыны туоратар өрөспүүбүлүкэтээҕи хамыыһыйа мунньаҕар Уус Маайа уонна Томпо улуустарыгар уу таһыма үрдээбитинэн ЧС эрэһиимин биллэрдилэр.
Күнү-дьылы кэтээн көрөр сулууспа сылыктааһынынан, аҕыйах хонугунан Алдан оройуонугар Алдан өрүскэ уу намтыыр, оттон Уус Маайа уонна Томпо оройуоннарыгар уу таһыма үрдүүр кутталлаах.
Алдан оройуонугар Чагда сэлиэнньэтигэр 13 олорор дьиэ ууга баран турар. Уус Маайа уонна Томпо улуустарыгар уу таһыма билигин кутталлаах кирбииттэн намыһах. Намыһах сирдэр ууга барбыттар, олорор дьиэлэр уонна социальнай эбийиэктэр эмсэҕэлээбэтэхтэр. Уус Маайа-Петропавловскай хайысханан айан суола ууга былдьаммыт.
Маны сэргэ Уус Маайаттан Петропавловскайга диэри халаан кэмигэр айанныыр суолга эмиэ уу кэлбит. Олохтоох дьаһалта этэринэн, хорумньу тахсыбата, экономика эбийиэктэригэр куттал суоһаабат.
