Саха сирин аатырбыт спортсмена, боксер Василий Егоров «Вызов Севера» турнир кэнниттэн улахан спортан тохтуурун туһунан тус телеграм-ханаалыгар суруйар.
31 саастаах спортсмен бутэһик күрэхтэһиитигэр Филиппины судаарыстыбатыттан сылдьар Джевена Велласиты кытта күөн көрсүөҕэ. Күрэх бу суббуотаҕа, ахсынньы 14 күнүгэр, «Өрөгөй» спорт уораҕайыгар ыытыллыаҕа.
Василий Егоров 13 сыл устата Россия эр дьоҥҥо сүүмэрдэммит хамаандатыгар киирэр этэ. Спорт үтүөлээх маастара, дойду биэс төгүллээх чөмпүйүөнэ, дойду чөмпүйэнээттэрин түөрт төгүллээх үрүҥ көмүс призера, Европа икки төгүллээх чөмпүйүөнэ, аан дойду чөмпүйэнээтин үрүҥ көмүс призера, Олимпийскай оонньуулар кыттыылааҕа.
