Балаҕан ыйын 4 күнүгэр Илиҥҥи экономическай форумҥа Ил Дархан Айсен Николаев уонна «Газпром» хампаанньа бырабылыанньатын бэрэссэдээтэлин солбуйааччы Виталий Маркелов Саха сирин гааһынан хааччыйыы сайдыытын туһунан кэпсэттилэр.
Көрсүһүү кэмигэр 2021-2025 сылларга Саха сиригэр гаастааһын уонна гааһынан хааччыйыы сайдар бырагырааматын туһунан кэпсэттилэр. Бу чэрчитинэн, «Сибиир күүһэ» гаас турбата ааһар Саха сирин соҕуруу уонна арҕаа 28 нэһилиэнньэлээх пууна гааһынан хааччыллыаҕа.
Айсен Николаев уонна Виталий Маркелов 2026–2030 сылларга саҥа бырагыраама оҥоһулларын бэлиэтээтилэр. Бу бырагырааманан дойду бэрэсидьиэнэ Владимир Путин 2030 сылга диэри Саха сирин толору гааһынан хааччыйыы соруга олоххо киириэҕэ.
