Өрөөспүүбүлүкэтээҕи үүнэр көлүөнэ пуондатын генеральнай дириэктэрэ Владимир Егором дойду Төрүт сокуонугар киллэриллэр уларытыылар көмөлөрүнэн, Россия олохтоохторугар көрүллэр социальнай өйөбүл таһыма тас дьайыылар уонна экономическэй кризистэр сабыдыаллыттан көмүскэллээх буоларын бэлиэтээтэ.
«Ону сэргэ Конституцияҕа дьиэ кэргэн уонна оҕолор Россия судаарыстыбаннай бэлиитикэтин биир тутаах хайысхатынан уонна дойдубут инники кэскилин мэктиэтинэн буолалларын туһунан туспа ыстатыйа баар буолара олус суолталаах», — диэн эттэ.
Владимир Егоров этэринэн, бу судаарыстыба күүһүн уонна ресурсаларын оҕо сааһы өйөөһүҥҥэ мобилизациялыыр. Аан маҥнайгынан төрөппүт көрүүтэ-истиитэ суох хаалбыт оҕолору туспа аныырга этии киирэ.
Санатан эттэххэ, Россияйскай Федерация Төрүт сокуонугар уларытыылары киллэриини талыы бүтүн Россиятааҕы куоластааһына от ыйын 1 күнүгэр ыытыллыаҕа. Саха сиригэр уопсайа 800 кэриҥэ куоластыыр учаастак үлэлиэҕэ. Уччастактар бары коронавирус инфекцията тарҕаныытын сэрэтэр бэйэни көмүскэнэр сириэстибэлэринэн хааччыллыахтара.
