Владимир Путин пресс-конферецията ахсынньы 23 күнүгэр буолуоҕа

Владимир Путин үгэс буолбут пресс-конференцията ахсынньы 23 күнүгэр ыытыллыаҕа. «Саха» НКИХ суруналыыһа Айсена Бурнашова уонна оператор Виктор Олесов кыттыахтара.

Быйыл коронавирустан сылтаан икки төгүл аҕыйах суруналыыһы аһартылар — 507 киһини. Кинилэр бары Манежка бэрэсидьиэни кытта тыыннаахтыы көрсүһүүгэ кыттыахтара.

Сыл саамай сүрүн пресс-конференцията Саха сирин бириэмэтинэн 18.00 чааска саҕаланыаҕа. Бастакы ханаалга, «Россия-1», «Россия 24», «МИР 24», НТВ, ОТР ханаалларга көстүөҕэ. «Маяк», «Радио Россия», «Вести ФМ» араадьыйаҕа истиэххэ, YouTube-ханаалга, «Смотрим» медиа-платформаҕа көрүөххэ сөп.