От ыйын 31 күнүгэр «Семья года-2024» бүтүн Россиятааҕы куонкурус куоластааһына түмүктэннэ.
Саха сириттэн Дьиэ кэргэн куонкуруһугар Ньурба улууһуттан төрүттээх Валерия уонна Константин Владимировтар кыттыыны ыллылар. Куоластааһыҥҥа кыттыбыт өрөспүүбүлүкэ олохтоохторугар махталларын тиэртилэр.
«Бүтүн Россия таһымнаах куонкуруска биһиги дьиэ кэргэммитин өйөөбүт, ыалдьыбыт, куоластаабыт дьоҥҥо махтанабыт. Хас биирдиигитигэр үтүөнү-кэрэни, чэгиэн-чэбдик доруобуйаны, дьолу-соргуну баҕарабыт. Саха сирин дьоно-сэргэтэ түмсүүлээҕин көрдөрдүбүт. Уопсайа 30 тыһ. тахса куолас киирбит. Махтал! Аны билигин биһиги түмүгү күүтэбит», — диэн Владимировтар санааларын үллэһиннилэр.
