Уһук илиҥҥэ инвестордары тардар сыаллаах алтыс экономическай форум бүгүн Владивостокка саҕаланна.
Саха сириттэн тоҕус киһилээх оробуочай бөлөҕү Айсен Николаев иилиир-саҕалыыр.
Быйылгы форум чэрчитинэн 70-тан тахса дьыалабыай тэрээһин буолуоҕа.
«Форум былаһааккалара бастатан туран инвестиция тардыыга, уопут атастаһыыга үлэлиэхтэрэ. Урбаанньыттарга туох өйөбүл нааданый? Инвесторга туох кыаллыбатый, туох кыалларый? Бу тула кэпсэтии буолуоҕа», –диир Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев.
Форум бырагыраамата түөрт хайысханан үлэлиэҕэ: «Аныгы кэм экэниэмикэтэ», «Уһук Илин — саҥа саҕахтар», «Уларыйа турар аан дойдуга уопсай эппиэтинэс» уонна «Ыччакка туһуламмыт ВЭФ».
Форум үгэс курдук балаҕан ыйын 2-4 күннэригэр Владивостокка ыытыллыаҕа.
