Өрөспүүбүлүкэтээҕи самбо федерациятын бэрэсидьиэнэ Вячеслав Литавин бу этиитин Владимир Путин Саха сиринээҕи уопсастыбаннай приемнайыгар иһитиннэрдэ. Ол курдук, оскуола оҕолоро спорт күрэхтэһиитигэр көтөллөрүгэр билиэт төлөбүрүн төрөппүттэр уйуналларын эттэ.
«Маны тэҥэ оҕолору илдьэ көтөр тренер билиэтин төлөбүрүн төрөппүт эмиэ уйунар. Биллэн туран, спортсмен күүстээх утарылаһааччыны кытта күрэхтэһэн сайдар. Федерация өттүттэн спонсор булууга үлэ ыытыллар эрээри бу боппуруоска судаарыстыба өттүттэн өйөбүл наада дии саныыбын», — диэтэ Вячеслав Литавин.
Кини чэпчэтиилээх көтүү спорт бары көрүҥүн бэрэстэбиитэлигэр тарҕанара тоҕоостооҕун ыйда.
Бэрэсидьиэн дуоһунаһыгар хандьыдаат уопсастыбаннай приемнайа Саха сиригэр 2023 сылтан үлэлиир.
Санатан эттэххэ, Россия бэрэсидьиэнин быыбара кулун тутар 15-тэн 17 күнүгэр диэри ыытыллыаҕа.
