WhatsApp мессенджер уонна Instagram, Facebook социальнай ситимнэр алтынньы 4 күнүгэр аан дойду үрдүнэн тохтобул буолбутун кэннэ сыыйа-баайа үлэлээтилэр. Бу туһунан ТАСС иһитиннэрэр.
Facebook хампаанньаны бас билээччи Марк Цукерберг социальнай ситимнэр үлэлэригэр буолбут быһыы-майгы тахсыбытын билиннэ, бырастыы гынарга көрдөстө.
«Facebook, Instagram, WhatsApp уонна Messenger ситимнэри чөлүгэр түһэрдибит. Бырастыы гынаргытыгар көрдөһөбүн», — диэн Цукерберг суруйар.
Facebook сыһыарыыларын үлэтигэр кэккэ кыһалҕалары Европаҕа, Азияҕа, Хотугу уонна Соҕуруу Америкаҕа уонна Россияҕа бэлиэтээтилэр.
Group-IB иһитиннэриитинэн, сервис үлэтигэр кыһалҕа төрүөтүнэн Facebook ситими кытта ситимнээх DNS-записьтары сотторуу буолуон сөп.
АХШ-га уонна Мексикаҕа Telegram мессенджер үлэтигэр кэккэ мэһэйдэр үөскээтилэр. Ону тэҥэ мэһэйдэри Соҕуруу Америкаҕа уонна Россияҕа бэлиэтээтилэр.
