Быйылгы Олоҥхо Ыһыаҕын уонна Манчаары оонньууларын тэрийэр хамыыһыйа мунньахтаата. Манна кыттар дьон уонна тэрийээччилэр вакцинаны ылаллара булгуччулаах. Бу туһунан вице-премьер Сергей Местников иһитиннэрдэ.
«Тэрээһиннэргэ санитарнай нуорманы тутуһуу уонна вакцинаны ылыы тэрийээччилэргэ, спортсменнарга, культурнай чааһын тэрийээччилэргэ булгуччулаах. Иннэ гынан, биһиги дьону харыстыахпыт. Холобур билигин Олоҥхо ыһыаҕын культурнай бырагырааматын тэрийээччилэр вакцинаны бары ылбыттар. Тэрээһин үлэтэ былааннаммытынан барар, эбийиэктэр тутулла тураллар», — диэтэ кини.
Санатан эттэххэ, Олоҥхо ыһыаҕа Өлүөхүмэҕэ бэс ыйые 19-21 күннэригэр, оттон Манчаары оонньуулара Горнайга от ыйын 7-11 күннэригэр ыытыллыаҕа.
Бэрдьигэстээххэ многофункциональнай спортивнай саала, тыһыынча миэстэлээх стадион, универсальнай тир тутулунна, ипподром өрөмүөннэннэ. Өлүөхүмэҕэ улахан этнокомплекс уонна ипподром тутулунна.
