«Якутия» авиахампаанньа алтынньы 21 күнүттэн Уһук Илиҥҥи регион олохтоохторугар сааһынан хааччаҕа суох чэпчэтиилээх билиэттэри атыылаан саҕалаата. Бу туһунан СӨ тырааныспарга министиэристибэтин пресс-сулууспата иһитиннэрэр.
Билиэттэр атыылара уонна көтүүлэр 2021 сыл алтынньы 21 күнүттэн сэтинньи 30 күнүгэр диэри ыытыллыаҕа. Дьокуускай-Москва-Дьокуускай, Дьокуускай-Санкт-Петербург-Дьокуускай хайысханан чэпчэтиилээх билиэттэр атыыланаллар.
Ону тэҥэ Нерюнгри-Москва хайысханан субсидиялаах чэпчэтиилээх билиэттэр атыыга бааллар.
Субсидиялаах билиэттэр сыаналара:
Дьокуускай-Москва — 9 200 солк.
Дьокуускай-Санкт-Петербург — 9 200 солк.
Нерюнгри-Москва — 9 700 солк.
Санатан эттэххэ, чэпчэтиилээх билиэттэринэн Уһук Илин бары олохтоохторо туһанар кыахтаахтар. Иккилэриттэн 12-гэр диэри саастаах оҕолорго 25%-наах чэпчэтии көрүллэр.
