Саха сириттэн СВО-ҕа кыттыбыт байыастар инникитин сайдалларыгар Россия бэрэсидьиэнэ Владимир Путин көҕүлээбит, Саха сирин Ил Дархана Айсен Николаев үлэлэппит «Якутия – Земля героев» кадровай бырагыраама төһүү күүс буолар.
Бырагыраама иитинэн Ийэ дойдуну көмүскээччилэр анал үөрэҕи ааһан баран, үлэнэн хааччыллаллар, Саха сирин сайдыытыгар бэйэлэрин сүҥкэн кылааттарын киллэриэхтэрин сөп.
«Бүгүҥҥү күҥҥэ СВО кыттыылаахтарыгар аналлаах элбэх бырагыраама үлэлиир. Саамай сүрүнэ диэн биһиги кинилэри дьарыктаах буолууларын хааччыйыахтаахпыт. Манна «Якутия – Земля героев» кадровай бырагыраама улахан көмөлөөх», – диэн «Защитники Отечества» пуонда филиалын салайааччыта Алексей Александров бэлиэтээтэ.
