«Якутуголь» АУо таас чох хаачыстыбатын хонтуруоллуур бэрэбиэркэлиир киинэ аккредитацияны бигэргэтии процедуратын ааспыт. Бу туһунан хампаанньа пресс-сулууспата иһитиннэрэр.
Киин таас чох хаачыстыбатын көрдөрүүлэрин быһаарар техническэй компетенсията үрдүк таһымҥа сөп түбэһэринэн сыаналаммыт. Чох күлүн, сиигин, умайар кыраадыһын, араас эттиктэр тахсыыларын уонна да атын көрдөрүүлэринэн хаачыстыбаны чинчийии технологиялара сыаналаммыттара бэлиэтэнэр.
«Аналитика» аналитическай кииннэр ассоциацияларын лабораториялары бэрэбиэркэлиир экспертизатын түмүгүнэн – киин ISO/IEC 17025:2017 аан дойду ирдэбилигэр сөп түбэһэрэ бигэргэммит. Маны таһынан киин убаҕас оттук матырыйааллар хаачыстыбаларын, тулалыыр эйгэ уонна үлэ усулуобуйатын хонтуруоллуур, ону тэҥэ санитарнай-бырамыысыланнай хонтуруолу хааччыйар лаборатория бэрэбиэркэтин ааспыт.
«Биһиги үлэбит түмүгүн сүрүн көрдөрүүлэриттэн биирдэстэрэ – бэлэм бородууксуйа хаачыстыбата. Ирдэбилгэ эппиэттээһиҥҥэ ураты болҕомто уурабыт, онон лабораторияларбыт техническай хааччыллыылара уонна исписэлиистэр квалификацияларын үрдэтии ураты хонтуруолга тутуллар», – диэн «Якутуголь» АУо салайар дириэктэрэ Иван Цепков кэпсээтэ.
