Биэс саха легионера Болгарияҕа ыытыллар аан дойду лицензионнай турнирыгар Олимпийскай оонньууларга кыттар иһин, хаалбыт путевкалар тустарыгар киирсиэхтэрэ. Бу туһунан «Спорт Якутии» иһитиннэрэр.
Саха тустуутун оскуолатын ааспыт биэс бэрэстэбиитэл күүстэрин холоһуохтара — Владислав Андреев (57 кг, Беларусь), Владимир Егоров (57 кг, Македония), Ньургун Скрябин (65 кг, Беларусь), Николай Охлопков (65 кг, Румыния) уонна Айаал Лазарев (125 кг, Кыргызстан).
Күрэхтэһии ыам ыйын 6-9 күннэригэр Софияҕа буолуоҕа уонна Токиоҕа ыытыллыахтаах Олимпийскай оонньууларга кыттар икки спортсмены талыахтара. Билиҥҥи туругунан, биирдии ыйааһыҥҥа Оонньуулар 14 кыттааччылара биллэллэр.
