Алдан оройуонугар баар Ыллымахтааҕы кырдьаҕастар уонна инбэлииттэр дьиэлэригэр коронавирус чэпчэки көрүҥэ бэлиэтэнэр. Бу туһунан үлэ уонна социальнай сайдыы министиэристибэтэ иһитиннэрэр.
Улууска министиэристибэттэн үлэ бөлөҕө методическай, сүбэ-ама уонна көмө оҥорор сыаллаах сырытта. Сүрүн болҕомто социальнай өҥөнү оҥорор тэрилтэлэргэ уурулунна.
«Билиҥҥи туругунан сүрүн болҕомто COVID-19 бэлиэтэммит Ыллымахтааҕы кырдьаҕастар уонна инбэлииттэр дьиэлэригэр сүрүн болҕомто ууруллар. Ыалдьыбыт дьон үксэ чэпчэкитик аһаран эрэр», — диэн иһитиннэриигэ этиллэр.
Санатан эттэххэ, көмөҕө өрөспүүбүлүкэтээҕи инбэлииттэри чөлүгэр түһэрэр киин исписэлиистэрэ көмөҕө кэлбиттэрэ.
Атын социальнай тэрилтэлэргэ балаһыанньа этэҥҥэ, ол эрээри ураты хонтуруол эрэһиимэ тутуһуллар.
Санатар буоллахха, ырдьаҕастар уонна инбэлииттэр дьиэлэригэр 45 киһи коронавируһунан ыалдьыбыта.
