Владивосток куоракка РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ — РФ Бырабыыталыстыбатын бэрэссэдээтэлин солбуйааччы Юрий Трутнев быйылгы Илиҥҥи экономическай форумҥа бэлэмнэнии мунньаҕын ыытта. Манна тэрийии боппуруостарын уонна форумҥа бэлэмнэнии хаамыытын кэпсэттилэр.
«IX-c Илиҥҥи экономическай форум саҕаланара икки ый хаалла. Форум олус үрдүк суолталаах. Бу тэрээһин көмөтүнэн Уһук Илиҥҥэ мөлүйүөнүнэн инвестициялар кэлбиттэр. Сыллата ВЭФ-ка тас дойдулартан тыһыынчанан киһи кэлэр. Россия тас экономическай сыһыанын хайысхата Илин диэки буолан турар, оттон форум Азиатскай-Тихоокеанскай региоҥҥа ыытыллар. Бу чахчы биһиги үлэбитигэр ураты ирдэбиллэри эрэйэр. Форумҥа биһиги олус күүскэ бэлэмнэнэбит. Биһиги билигин форум тэрийиигэ күүскэ үлэлии сылдьабыт. Илиҥҥи экономическай форум Уһук Илин сайдыытыгар туһуламмыт саҥа быһаарыылары ылынар тутаах миэстэ буоларын туһугар үлэлиир тустаахпыт», – диэн Юрий Трутнев эттэ.
IX-c Илиҥҥи экономическай форум 2024 сыл балаҕан ыйын 3-6 күннэригэр Владивосток куоракка ыытыллыаҕа.
