Россия бырабыыталыстыбатын бэрэссэдээтэлин солбуйааччы – Россия бэрэсидьиэнин Уһук Илиҥҥи Федеральнай Уокурукка боломуочуйалаах бэрэстэбиитэлэ Юрий Трутнев Саха АССР төрүттэммитэ 100 сылынан эҕэрдэлээтэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Саха сирэ ураты миэстэни ыларын бэлиэтээтэ. Тайаан сытар сиринэн уонна сиртэн хостонор баайынан эрэ буолбакка Россия куораттарыттан биир саамай элбэх омук олорор сирэ буоларын, манна 129 норуот биир история ситимигэр тиһиллэн олорорун, үлэлиирин-хамсыырын кини бэлиэтээтэ.
«Саха хас да көлүөнэ дьонун көмөтүнэн өрөспүүбүлүкэ билигин Россия Уһук Илиҥҥи регионун сайдыытын киинэ. Бырамыысаланнас эйгэтигэр оҥорон таһаарыы, инвестиция уонна нолуок киириитин көрдөрүүтүнэн инники күөҥҥэ баар. Манна Уһук Илин валовай дохуотун 20%-на оҥоһуллар. IT-өҥө кээмэйин көрдөрүүтүнэн дойду уон бастыҥ куораттарын ахсааныгар киирэр», — диэн кини бэлиэтээтэ.
Сыллата үөрэх, доруобуйа харыстабылын эйгэтигэр саҥа эбийиэктэр үлэҕэ киирэллэр, чэпчэтиилээх бырагыраамалар үлэлииллэр.
««Уһук Илиҥҥи ипотека» көмөтүнэн сэттэ тыһыынча кэриҥэ Саха сирин олохтооҕо олорор усулуобуйатын тупсарда. Бүгүн өрөспүүбүлүкэ саҥа үйэҕэ үктэнэр», — диэтэ Юрий Трутнев.
