Саха сирин олохтоохторо ЗАГС өҥөлөрүнэн туһанарга судаарыстыбаннай өҥө порталын нөҥүө суруттарыахтарын сөп. Бу туһунан өрөспүүбүлүкэтээҕи Гражданскай турук аакталарын бэлиэтээһин управлениетын пресс-сулууспата иһитиннэрэр.
Судаарыстыбаннай өҥө порталын нөҥүө оҕо төрөөһүнүн, өлүү, кэргэннии буолуу эбэтэр арахсыы, оҕону иитэ ылыы туһунан сайабылыанньалары, ону тэҥэ туоһу суругу электроннай докумуон курдук хаттаан ылыы туһунан көрдөһүү биэриэххэ сөп. Сайабылыанньалар өҥөнөн туһанааччы боростуой элетроннай илии батааһынынан бигэргэнэллэр.
Онуоха хардарыта сөбүлэһиинэн арахсыан баҕарар кэргэнниилэр квалифицированнай элекртроннай илии батааһынынан бигэгэтиллибит холбуу сайабылыанньаны биэрэллэрэ ирдэнэр.
Аатын уларытыан баҕарар, эбэтэр саахса докумуонугар уларытыылары киллэриэн баҕарар киһи бэйэтэ суругунан сайабылыанньа биэриэхтээх.
Саахса өҥөтүнэн электронно туһаныы табыгастаах өрүттэриттэн биирдэстэринэн киһи тиийэ сылдьыы кэмин бэйэтэ талара, сайабылыанньаны төгүрүк суукка устата биэриэххэ сөбө, кэргэнии буолуу эбэтэр арахсыы өҥөтүнэн туһанарга 30 %-наах чэпчэтии баара, туоһу суруктары уонна ыспыраапкалары хаттаан оҥотторуохха сөбө этиллэр.
Судаарыстыбаннай өҥөлөр порталынан туһаныыга ыарахаттар үөскүүр түгэннэригэр өйүүр сулууспа испэсэлиистэригэр эрийиэххэ сөп: 8 800 100-77-88.
