«Зина & Леха „Операция хвост и вымя“» саха киинэтин хаассатыгар 10- тан тахса мөл. солк. киирдэ

«Зина & Леха „Операция хвост и вымя“» киинэ прокакка, икки нэдиэлэ иһигэр 10 106 157 солкуобайы киллэрдэ.

Бу туһунан биир кэлим автоматизированнай информационнай систиэмэ иһитиннэрдэ.  Балаҕан ыйын 29 күнүгэр киинэ премьератыгар 908 тыһ. солк. киирбит, бастакы өрөбүл күн — биэс мөл. солк. тахса, иккискэ — 2,5 мөл. солк. тахса.

Этиллибит хартыына саха киинэлэриттэн үрдүк таһымы ситиспит сэттис киинэ буолла. Биир кэлим автоматизированнай информационнай систиэмэ иһитиннэрэринэн, эрдэ «Агент Мамбо», «Дьулуур: мас-рестлинг», «Агент Мамбо. Truepac», «Мин үрдүбэр күн хаhан да киирбэт», «Тыгын Дархан» уонна «Пугало» киинэлэргэ 10-тан тахса мөл. солк. киирбит.