Горнай улууһугар тыа хаһаайыстыбатын үлэһиттэрин, бэйэ бородууксуйатын оҥорон таһаарыытыгар киэҥ хабааннаах үлэ ыытыллар. Улууска бу салаа инники сайдыытын түстүүр туһугар, кэлиҥҥи сылларга нэһилиэктэргэ арыы сыахтарын тутуутун күүскэ ыыталлар.
«Былырыын Мытаахха саҥа арыы сыаҕа арыллан, оҥорон таһаарар бородууксуйалара лаппа тупсубута. Быйыл улуус үптээн аны Күөрэлээх сэлиэнньэтигэр саҥа эбийиэк үлэҕэ киирэрэ күүтүллэр. «Горнай Ас» Күөрэлээҕи филиала билигин 1960 сыллардааҕы тутуу дьиэтигэр үлэлии олорор. Сайыҥҥы өттүгэр балтараа туоннаҕа тиийэ үүтү тутар, кыһынын 500-700 лиитирэни астыыр»,-диэн иһитиннэриигэ этиллэр.
«100 кв.м иэннээх толору хааччылыылаах, сырдык ыраас эбийиэк үлэлиир усулуобуйаны олохтоон биир сменаҕа икки туонна үрүҥ илгэни астыыр кыаҕы биэриэҕэ»,-диэтэ сыах маастара Анна Иванова.
