Олимпийскай эрэл училищетын устудьуоннарын инфекционнай стационар арыллыбытынан гостиницаҕа уонна уопсайдарга олордуохтара. Бу туһунан суһал штаб салайааччытын солбуйааччы Ольга Балабкина эттэ.
«Стационар арыллыан иннинэ хайдах тугу гынарбытын барытын быһаарбыппыт. Спортивнай эбийиэк Дьокуускайга элбэх. Устудьуоннар онно олорон дьарыктаныахтарын сөп. Холобур, «Триумф» гостиницалаах. Суһал штаб бэрээдэк быһыытынан үлэлиир», – диэтэ кини.
Санатан эттэххэ, УОР дириэктэрэ Алексей Филиппов стационар арылларын утарбыта.
«Өрөмүөн үлэтин, үөрэх дьылыгар бэдэмнэнэн саҥа саҕалаабыппыт. Куоракка ыалдьыбыттары олордор атын дьиэни булбатылар», – диэн Инстаграмыгар суруйбута.
